TUGUEGARAO CITY, Philippines - Dalawang kabataan ang iniulat na namatay habang malubha naman ang isa pa matapos salpukin ng pickup ang kasalubong na motorsiklo sa kahabaan ng Patul Road, Barangay Rosario sa Santiago City, Isabela kamakalawa. Kinilala ng pulisya ang dalawa na sina Roderick Abad, 18, ng Paracelis, Mt. Province at Christine Delila Carub, 15, ng nabanggit na lungsod. Kasalukuyan naman nakikipagbuno kay kamatayan ang isa pang biktima na si Clyde Dayadon, estudyante sa bayan ng Paracelis, Mt. Province. Ayon sa ulat, umagaw ng linya sa kalsada ang motorsiklo ni Abad na sinasabing lango sa alak na kaangkas ang dalawang kaibigan kaya nasalpok ng pick-up ni Greg Albino, 37, sales supervisor sa nasabing lungsod.