MANILA, Philippines - Kamatayan ang sumalubong sa dalawang pahinante habang malubha naman ang isa pa matapos mahulog ang 10-wheeler truck sa malalim na bangin sa Barangay Bayanga, Cagayan de Oro City, Misamis Oriental kahapon ng umaga. Sa ulat ni SPO1 Teodoro Villafranco na nakarating sa Camp Crame, kinilala ang mga nasawi na sina Mark Anthony dela Vega at Edu Resolote, kapwa nakatira sa Barangay Macabalan. Samantala, sugatan naman ang driver ng truck na si Romeo Ladao. Lumilitaw na patungong bayan ngTagoloan ang trak para mag-deliver ng rattan nang biglang mawalan ito ng preno at tuluyang mahulog sa bangin.