TUGUEGARAO CITY, Philippines – Pinabulagta ng riding-in-tandem assassins ang 47-anyos na magsasaka na sakay ang dalawa nitong anak na binatilyo sa motorsiklo sa kahabaan ng Banna-Pinili Road sa Barangay Macayepyep sa bayan ng Banna, Ilocos Norte kahapon ng madaling-araw.

Tatlong tama ng bala ang cal. 9mm pistol ang tumapos sa buhay ni Hilario Quioait ng Barangay Bangsar sa nabanggit na bayan.
 Sa ulat na nakarating kay P/Supt. Jeffrey Gorospe, pauwi na ang biktimang nakaangkas sa likuran ng motorsiklo ng mga anak na sina Jeric at John Mark nang mag-overtake sa kanila ang motorsiklo na lulan ng dalawang di-kilalang lalaki.
Mapalad na hindi naman nasaktan ang dalawang anak ng biktima matapos siyang ratratin ng mga gunmen.