CAVITE, Philippines – Napaslang ang 57-anyos na misis matapos itong holdapin ay pinagsasaksak pa ng mga ‘di-kilalang lalaki sa bahagi ng Cityland sa Barangay De Ocampo, Trece Martires City, Cavite kahapon ng umaga. Positibong kinilala ng kapatid nito ang bangkay ng
biktima na si Nelia Mirasol ng #340 Basa Uno, Barangay Zapote, Las Piñas City. Ayon sa pulisya, huling namataang buhay ang biktima sa pamilihan ng Bacoor City. Pinaniniwalang pumalag ang biktima kaya pinagtulungang paslangin kung saan nawawala ang mg alahas na
suot nito, malaking halaga at ilang ATM cards.