RIZAL, Philippines - Bulagta ang riding-in-tandem na holdaper makaraang makipagbarilan sa mga pulis sa Brgy. San Juan sa bayan ng Taytay, Rizal, kahapon ng madaling-araw.
Kinilala ni P/Supt. Danilo Bacas, hepe ng Taytay PNP ang mga napatay na sina Eric Santos, 32, ng Blk 39, Sitio Damayan, Floodway; at Terensfel Argabio, 26 , ng Barangay Dalig, Antipolo City, Rizal.
Bago maganap ang shootout, hinoldap ng dalawa ang mga biktimang sina Helen Paular at Feliciano Cesar, kapwa nakatira sa Signal Village, Taguig City.
Nakahingi naman ng tulong sa pulisya ang dalawang biktima kung saan naispatan ng mobile patrol unit na papatakas na lulan ng motorsiklo.
Dito na tinangkang pahinÂtuin pero mabilis na pinaharurot ang motorsiklo kaya nagkahabulan.
Nakorner ang dalawa sa bisinidad ng Tapayan road pero sa halip na sumuko ay nakipagbarilan kung saan nauwi sa shootout.
Narekober ang dalawang cal. 45 pistol iba’t ibang Idetification card na posibleng mula sa iba pang biktima.