Kuya ginilitan ng bunso
TUGUEGARAO CITY , Philippines – Binigla ni kamatayan ang 25-anyos na kuyang magsasaka matapos itong gilitan at saksakin ng bunsong utol na lalaki na kanyang ginising sa gulpi kamakalawa ng umaga sa kanilang tahanan sa liblib na bahagi ng Barangay Cordon sa bayan ng Kasibu, Nueva Vizcaya.
Kinilala ng pulisya ang biktima na si Ritchell Mayo habang isinuko naman ng tiyuhin sa Muncipal Social Welfare and Development Office ang 13-anyos na suspek.
Lumalabas sa imbestigasyon na umuwing lango sa alak ang biktima kung saan natiyempuhan natutulog ang kanyang kapatid na lalaki.
Ayon sa ulat, bigla na lamang ginulpi ng biktima ang kapatid na naalimpungatan sa pagkakatulog.
Nagawang agawin ng binatilyo ang kutsilyo sa kuya at ginilitan ito saka pinagsasaksak sa iba’t ibang bahagi ng katawan.
Tumakbo ang batang suspek sa kanyang tiyuhin na duguan ang kamay at pilit inisip na masamang panaginip lamang ang kanyang nagawa.
- Latest
