20,000 board feet na troso nasamsam

ILAGAN CITY, Philippines - Sa kabila ng deklarasyon ni Pa­ngulong Benigno Aquino III ng total logging ban sa buong bansa; patuloy pa rin ang mga ulat sa modus operandi ng mga illegal logs sa ibat-ibang panig ng Cagayan Valley. Pinakahuli ay ang pagkakasamsam ng 20,000 board feet ng  ilegal na putol ng punungkahoy na pinapaanod sa Pinacanauan River sa Barangay Tappa, San Mariano, Isabela kahapon. Bagamat napakalaking volume ng  ipinupuslit na troso ay wala ni isang suspek ang na­dakma ng mga operatiba pulisya, Army at Department of Environment and Natural Resources (DENR). Aabot naman sa 3 trak ang maaaring paglagyan ng tone-toneladang troso kung saan nagkakahalaga ng P.5 miyon.