Amit, Biado pararangalan sa PSA Awards Night
MANILA, Philippines — Major awardees sina three-time World Champion Pinay cue artist Rubilen Amit at Carlo Biado sa 2024 San Miguel Corporation-Philippine Sportswriters Association (SMC-PSA) Annual Awards Night na gaganapin sa Enero 27 sa Centennial Hall sa Manila Hotel.
Magniningning ang gabi nina Amit at two-time WPA world champion Biado dahil sa kikilalanin ng pinakamatandang sports organization sa Pilipinas ang kanilang ambag sa bansa noong nakaraang taon.
Muling sumikat ang Pilipinas sa larangan ng bilyar noong 2024 nang angkinin ng 43-year-old na si Amit ang prestihiyosong WPA Women’s World 9-Ball Championship na ginanap sa New Zealand noong Setyembre.
Hindi naman matatawaran ang naging performance ni Biado noong nakaraang taon nang pamunuan ang Team Philippines para masilo ang 2024 CPBA 9-Ball Teams Invitational tournament sa New Taipei City, Taiwan noong Mayo.
Nasa listahan din sa bibigyan ng citations sina cue masters Johann Chua at Albert James “AJ” Manas na nag-uwi din ng karangalan sa bansa noong nakaraang taon.
Ang nasabing gabi ng parangal ay major sponsors ang Philippine Sports Commission, Philippine Olympic Committee, MILO, PLDT/Smart, Sen. Bong Go at Januarius Holdings at suportado ng PBA, 1-Pacman Party-list, AcroCity, PVL, Akari, at Rain or Shine.
- Latest
