Aktor, ipinamigay na ang boylet sa galanteng personalidad
Ipinaubaya na raw ng isang pinagdududahang aktor ang naging boylet niyang wannabe aktor sa isang mas galante sa kanyang personality na kilala rin sa showbiz.
Eh, mas sunod sa luho ang wannabe mula sa kloseta ring male personality at may connections din sa showbiz.
Hindi na masyadong nakikita sa showbiz gatherings ang pinagdududahang aktor na kasama si wannabe. Mas dikit na ito sa male personality na.
Kaya si wannabe, may projects na ginagawa dahil sa koneksyon ni male personality, huh!
Movie ng KathDen, sa ibang paraan naka-isang bilyon
Ipinagmamalaki ng producers ng Kathryn Bernardo at Alden Richards movie na nagtala ito ng box-office record sa gross income na pinalalabas pang tinalo na nito ang record ng DongYan movie na Rewind.
Teka lang naman, huh!
Naku, ang kinita ng KathDen movie ay kinalap talaga sa advance ticket selling, showing nito sa ibang bansa at block screenings.
Eh ‘yung Rewind, sa Metro Manila Film Festival ipinalabas. Ten days sa sinehan at sa extension nito. Dagdag na kita ang block screenings!
Eh kung nagkaroon ng advance ticket selling, showing ng movie sa ibang bansa, aba, baka mahigit P2B na ang kinita nito, huh!
Hindi na kailangang umikot pa, ibenta nang maaga at kung anu-ano pang marketing strategy ang gawin para kumita ng more than P1B. Dito pa lang sa nanood sa bansa, lumikha na ng record sa takilya ang Rewind!
Kapag kumita ng P2B ang KathDen movie sa mga sinehan dito, saka kapani-paniwalang breaking records ito!
Wala pa ring makatinag sa pagiging Box-Office King and Queen nina Dingdong Dantes at Marian Rivera!
Gawin muna ‘yan bago ang press releases sa kinita ng pelikula!
- Latest
