Stakeholders may boses na sa PNVF

MANILA, Philippines — Magkakaroon ng boses ang mga stakeholders sa pag­buo ng mga national volleyball teams para sa mga lalahukang major international tournaments.

Ito ang inihayag kahapon ni Philippine National Vol­leyball Federation (PNVF) Executive Director Atty. Mi­guel Carlos Pacifico F. Suarez kung saan gagawa ang pederasyon ng highly-collaborative approach sa pagkakaroon ng dedicated National Team Commission.

Ang five-man panel ay itinatag para mapakinggan ang opinyon ng mga major stakeholders at makapag­la­tag ng iisang iskedyul sa pagbuo ng training pool para sa Alas Pilipinas Men at Women squads.

“The establishment of the National Team Commis­sion is a major step in the right direction. By giving stake­hol­ders a direct and stronger voice, we are ensuring a more inclusive, transparent, and collaborative approach to forming and supporting our national team,” ani Suarez.

Iginiit ni Suarez na ang pagbuo sa komisyon ang mag­lalayo sa liderato mula sa nakaugaliang paglalabas ng unilateral decisions ukol sa national team selection, calendar management at player availability.

Si PNVF president Frank Lao ang mangunguna sa National Team Commission kasama ang mga key stakeholders kagaya nina Sherwin Malonzo ng Premier Volleyball League, Dr. Ian Laurel ng Shakey’s Super League, Fr. Victor Calvo ng National Collegiate Athletic Association at Bo Perasol ng University Athletic Association of the Philippines bilang mga miyembro.

Maibabahagi nina Malonzo at Laurel ang kanilang ma­lalim na administrative experience mula sa mga na­karaang PNVF setups, habang sina Calvo at Perasol ang mamumuno sa mga top collegiate sports programs na titiyak sa full representation sa lahat ng antas ng Philippine volleyball.

“With this special panel, we are removing the old prac­tice of leadership making unilateral decisions without consulting key stakeholders on player schedules and avai­lability. We are now giving everyone a unified voice to guarantee a far more collaborative and sustainable na­tional team program,” dagdag ni Suarez.