Nets sinilat ang James-less Lakers
NEW YORK — Umiskor si Noah Clowney ng 19 points para tulungan ang Brooklyn Nets sa 111-108 pagtakas sa Los Angeles Lakers na naglaro na wala si LeBron James.
May tig-18 markers sina Cam Johnson at Keon Johnson sa pagpigil ng Nets (22-42) sa kanilang seven-game losing slump.
Humakot si Luka Doncic ng triple-double na 22 points, 12 rebounds at 12 assists para sa unang laro ng Lakers (40-23) na wala si James na may strained left groin.
Nagtala si Gabe Vincent ng 24 points habang may 19 at 17 markers sina Dalton Knecht at Austin Reaves, ayon sa pagkakasunod.
Kumonekta si Doncic ng isang 35-footer para ilapit ang Lakers sa 106-108 sa huling 10.6 segundo ng fourth quarter bago ibigay ni Clowney sa Nets ang isang five-point advantage.
Sa Boston, nagsalpak si Sam Hauser ng season-high na siyam na triples at tumapos na may career-best 33 points sa 114-108 pagdaig ng nagdedepensang Celtics (47-18) sa Utah Jazz (15-50).
Sa Oklahoma City, nagsumite si Nikola Jokic ng 35 points, 18 rebounds at 8 assists sa 140-127 pagresbak ng Denver Nuggets (42-2) sa Thunder (53-12).
Sa Miami, kumamada si Miles Bridges ng 35 points at may 24 markers si Mark Williams sa 105-102 paglusot ng Charlotte Hornets (16-48) sa Heat (29-35).
- Latest
