Suns tinusta ng Heat
MIAMI - Naglista si Bam Adebayo ng 25 points habang may 24 markers si Jimmy Butler para sa 121-111 pagsunog ng Heat sa Phoenix Suns.
Tumapos si Adebayo na may 12 rebounds at 8 assists para sa Miami (11-10) na nakahugot kina Duncan Robinson at Tyler Herro ng 19 at 17 points, ayon sa pagkakasunod.
Binanderahan ni Royce O’Neale ang Phoenix (12-10) sa kanyang 23 markers at may 21 points si Devin Booker.
Hindi naglaro para sa Suns sina Kevin Durant (left ankle sprain) at Jusuf Nurkic (right thigh contusion) na sinamantala ng Heat para hatawin ang 68-53 kalamangan sa halftime.
Sa Boston, kumolekta si Ja Morant ng 32 points, 9 assists at 9 rebounds sa 127-121 pagsapaw ng Memphis Grizzlies (16-8) sa nagdedepensang Celtics (19-5).
Sa New Orleans, nagsalpak si Shai Gilgeous-Alexander ng 31 points at may 27 markers si Jalen Williams sa 119-109 paggupo ng Oklahoma City Thunder (18-5) sa Pelicans (5-19).
Sa Washington, tinapos ng Wizards (3-18) ang 16-game losing slump matapos kunin ang 122-113 panalo sa Denver Nuggets (11-10).
- Latest
