NU pinulbos ang EAC sa SSL

MANILA, Philippines — Kinadena ng nagdedepensang National University ang ikalawang sunod na panalo matapos lapain ang Emilio Aguinaldo College, 25-15, 25-7, 25-13, sa 2024 Sha­key’s Super League collegiate preseason cham­pionship kahapon sa Ri­zal Memorial Coliseum.

Sumabit sa two-way tie sa top spot ng Pool A ang ‘three-peat’ seeking NU ka­salo ang Arellano University tangan ang 2-0 marka.

Magaan na kinalos ng La­dy Bulldogs ang Lady Ge­nerals sa loob ng 77 mi­nuto kaya lumakas ang tsansa nilang sumampa sa susunod na phase pagkatapos ng group stage sa event na suportado ng Shakey’s Pizza Parlor, GCash, Chery Tiggo, F2 Logistics, Peri-Peri Charcoal Chicken, Potato Corner, R and B Milk Tea at Summit Water.

Pinamunuan ni Arah Pa­nique ang NU sa tinika­dang 10 points, habang bu­makas sina Bella Belen at reigning MVP Alyssa So­lomon ng tig-pitong puntos.

“Ang challenge ngayon is marami pa kaming errors and siguro work on sa mga kulang pa namin,” wika ni Pa­nique na miyembro ng Alas Pilipinas.