Rose binitawan ng Grizzlies

MEMPHIS — Binitawan ng Grizzlies si backup point guard Derrick Rose dahil na rin sa kanyang request.

Ang 35-anyos na si Rose ay may isang season pang natitira sa nilagdaan niyang two-year, $6.6 million contract sa Memphis noong nakaraang 2023 offseason.

Sumalang si Rose sa 24 games para sa Grizzlies sa nakaraang season kung saan siya nagtala ng mga averages na 8.0 points at 3.3 assists.

Ang three-time All-Star at 2010-11 MVP para sa Chicago Bulls ay nagkaroon ng serious knee injury na nagpahinto sa kanyang career.

Humataw si Rose ng mga averages na 17.4 points at 5.2 assists per game sa paglalaro niya sa anim na koponan sa kanyang makulay na NBA career.

Didribol ang 2023-2024 season ng NBA sa Oktubre 22 tampok ang pagdedepensa ng Boston Celtics sa kanilang korona.