MANILA, Philippines — Ibabandera ni University of Perpetual Help System DALTA coach Olsen Racela sa kanyang maiden season ang 10 rookies at walong holdovers para sa NCAA Centennial Season na magbubukas sa Setyembre 7 sa Mall of Asia Arena sa Pasay City.
Inaasahan ni Racela na makakatulong sa kampanya ng Altas si rookie Mark Gojo Cruz na nagmula sa Junior Altas.
Huhugot din ng puntos ang Perpetual kina Bryan Manuel, Axl Jon Manuel, Emman Pizarro, Markian Danag, Axle Rose Javier, Justin Thompson, Bryle Mascariñas, Iñigo Montemayor at Ralph Cauguiran.
“Hopefully, they gain the experience early-on at mag-mature kaagad in every game para makatulong this season at sa mga susunod na seasons pa,” ani Racela sa kanyang mga rookies.
Sasandigan din ni Racela sina holdovers Christian Pagaran at Nathaniel Sevilla kasama sina John Cedrick Abis, Jearico Nuñez, John Paul Boral, Gelo Gelsano, Shawn Orgo at Richard Movida.
“I’ll take it one game at a time, compete in every possession, makasabay sa kalaban, and hopefully, makanakaw ng panalo in every game,” wika ng PBA great.
Ang mga tinukoy ni Racela na ‘team to beat’ ay ang nagdedepensang San Beda Red Lions, St. Benilde Blazers, Mapua Cardinals, Letran Knights at host school Lyceum Pirates.