Mapua, Arellano hihirit ng playoffs para sa No. 4 spot
MANILA, Philippines — Para makahirit ng playoffs sa No. 4 spot kailangan ng Mapua University at Arellano University na manalo sa pagharap sa magkahiwalay na laban sa NCAA Season 99 women’s volleyball na lalaruin sa Filoil EcoOil Arena ngayon.
Katapat ng Mapua ang San Beda University sa alas-10 ng umaga habang sasagupain ng Arellano ang Jose Rizal University sa alas-2 ng hapon.
Nakasalalay ang huling laro ng Lady Cardinals at Lady Chiefs sa pagpasok nila sa playoff, kailangan nilang manalo upang makigulo sa No. 4 spot na kasalukuyang hawak ng Perpetual Help Lady Altas.
Nasa pang-apat ng team standings ang Perpetual Help na may 5-4 card habang magkasalo sa No. 5 ang Mapua at Arellano na may tig 5-3 records.
Kaya posibleng magkaroon ng three-way tie sa fourth pagkatapos ng laro ngayong araw.
Stepladder ang labanan sa semifinals matapos mawalis ng defending champions College of Saint Benilde Lady Blazers ang nine-game elimination rounds.
- Latest
