MANILA, Philippines — Hindi pa man nagsisimula ang liga ay bangas na kaagad ang lineup ng Akari Chargers sa Premier Volleyball League (PVL) na papalo sa Pebrero 7.
Kumpirmadong buntis si Akari Chargers libero Justine Jazareno kaya’t hindi muna ito masisilayan sa aksiyon sa season.
Mismong ang VP Global Management ang nagpahayag ng balita.
“We’re excited to share that our volleyball star, Ms. Justine Jazareno, is eagerly anticipating the joys of motherhood. She has made the decision to take a leave of absence from the game to focus on her forthcoming bundle of joy,” ayon sa statement ng VP Global Management.
Suportado naman ng Akari Chargers management ang pagbubuntis ni Jazareno.
“We thank the Akari Chargers for fully expressing their continued support as she embarks on this beautiful journey,” ayon pa sa post ng VP Global Management.
Nakatanggap naman ng mainit na suporta si Jazareno mula sa kanyang mga fans.