Terrafirma nakatutok sa mga picks sa PBA Draft
MANILA, Philippines — Bukod kina slotman Isaac Go at guards Allen Mina at Javier Gomez de Liano, nakatutok din ang Terrafirma sa darating na PBA Draft.
Gusto ni head coach Johnedel Cardel ang istilong ‘run and gun’ team.
“Kailangan ang mga bata, para mag-conform doon sa sistemang gusto naming i-implement, which is more of takbuhan sa offense and more pressure on defense,” wika ni Cardel
May hawak ang Dyip ng dalawang first round picks at dalawang second round choices sa PBA Rookie Draft na nakatakda sa Setyembre 17.
Sa kanilang pagsabak sa PBA on Tour ay naglista ang Terrafirma ng 1-3 record.
“May mga iba pa kaming players na sinusubukan sa ngayon na baka uubra,” sabi ni Cardel. “Pero ang tinitingnan namin primarily iyong draft.”
May mga free agents at rookie aspirants na naglalaro sa Dyip na posibleng kunin ni Cardel.
“As long as they continue to work hard and give the effort every time na ipinasok sila, mas mapapadali para sa aming coaches iyong selection process na siya naming punto talaga nitong ‘On Tour’ para sa aming lahat,” ani Cardel.
- Latest