Gomez laglag sa World Pool

MANILA, Philippines —Tuluyan nang namaalam sa kontensiyon si Roberto Gomez sa prestihiyosong World Pool Championship na ginaganap sa Marshall Arena, Milton Keynes.

Lumasap si Gomez ng 7-11 kabiguan kay Skyler Woodward ng Amerika sa Round-of-16.

Bigo naman maipagpatuloy ni Woodward ang matikas na ratsada nito matapos matalo kay Albin Ouschan ng Austria sa quarterfinals sa iskor na 5-11.

Gayunpaman, hindi uuwing luhaan si Gomez dahil nakasiguro ito ng $4,000 premyo sa pagpasok sa Round-of-16 stage.

Nauna namg yumuko si Jeffrey De Luna nang magtamo ito ng  dalawang sunod na kabiguan sa eliminasyon.