Canlas guest sa 6th session ng National Sports Summit
MANILA, Philippines — Walang iba kundi si 2022 Asian Games Chef De Mission Dr. Jose Raul Canlas ang magbabahagi ng kanyang kaalaman sa ikaanim na sesyon ng National Sports Summit 2021 sa Huwebes.
“We are very honored to have a world-class Filipino doctor impart knowledge to our participating athletes, coaches, sports educators, and local government units, in this area (sports science) where we have a lot to develop as a sporting nation,” sabi ni Philippine Sports Commission (PSC) chairman William ‘Butch’ Ramirez.
Pamumunuan ni Canlas ang 6th session ng naturang online sports conference na tatalakay sa fundamental role ng sports science para sa pagpapayabong ng elite talent at potential ng mga atleta.
Si Canlas ang tanging Pinoy na miyembro ng International Basketball Federation’s (FIBA) Medical Commission at isang top-notch surgeon.
Sapul noong 1998 ay miyembro na si Canlas, ang pangulo ng United Philippine Surfing Association (UPSA), ng nasabing international basketball federation.
Tatalakayin sa second batch ng National Sports Summit 2021 ang mga sports science-related topics.
- Latest
