WASHINGTON -- Nasa ospital ngayon si NBA Hall of Famer Patrick Ewing, ang head basketball coach ng Georgetown University, matapos magpositibo sa coronavirus disease (COVID-19).
Mismong ang 57-anyos na si Ewing ang nagpahayag nito sa kanyang Twitter account.
“I want to share that I have tested positive for COVID-19. This virus is serious and should not be taken lightly. I want to encourage everyone to stay safe and take care of yourselves and your loved ones,” sabi ng New York Knicks icon.
Miyembro ng 1992 Olympic gold medal-winning “Dream Team,” nagwagi rin si Ewing ng Olympic gold noong 1984, naglaro ng 17 seasons sa NBA at isang 11-time All-Star selection.
Si Ewing, ang 1986 Rookie of the Year, ang first overall pick ng Knicks sa NBA draft matapos igiya ang Georgetown sa national championship noong 1985.