CKSC, UST kampeon
MANILA, Philippines — Isinara ng Chiang Kai Shek College (CKSC) at ng University of Santo Tomas (UST) ang kanilang basketball year bilang kampeon sa 2019 Basketball Efficiency and Scientific Training (BEST) Center Women’s Basketball Tournament kamakailan sa Xavier School sa San Juan City.
Pinamahalaan ng CKSC ang 18-under competitive division matapos gibain ang University of Perpetual Help System Delta, 77-48 habang tinalo ng UST ang San Beda College-Alabang, 64-54, sa 25-under division.
Hinirang sina Kristine Cayabyab ng CKSC at Christine Jazz Ungui ng UST bilang MVP sa kanilang mga dibisyon.
Umiskor ang 5-foot-7 power forward na si Cayabyab ng 20 points para itakas ang CKSC laban sa Perpetual.
Samantala, kinoronahan ang Rich Golden Shower Montessori Center (RGSMC) bilang 18-under division titlist.
Binigo ng RGSMC ang Escuela de Sophia of Caloocan, Inc., 56-42, sa likod ni playmaker at MVP Princess Mae Alabata.
“We are seeing the growth of the program as the number of participating schools increases each year,” ani ng 78-anyos na si Nicanor Jorge, dating National team head coach at founder ng Milo BEST Center.
- Latest
