ANGELES, PAMPANGA, Philippines — Babanderahan ni Ralph Villaro ang kampanya ng Team Philippines sa wakeboarding at water skiing competition ng 30th Southeast Asian Games na bibitawan ngayon sa Deca Wakeboard Park dito.
Si Villaro ang silver medalist sa nakaraang 2019 International Wakeski and Wakeboard Federation Series.
“We have a home court advantage because we get to train in the exact venue where we will compete in,” sabi ni Villaro. “But anything can happen during the actual competition. We are just hoping for the best.”
Makakasama ni Villaro sina Samantha Bermudez, Anika Angsico, Carlo Dela Torre at Christian Michel Joson.
Target naman ni three-time SEA Games gold medalist Padiwat Jaemjan ng Thailand ang kanyang ikaapat na sunod na gold medal sa men’s wakeboarding event.
Puntirya rin ng Thai team ang kanilang ikalawang sunod na gintong medalya sa mixed event.