Philippine Football teams sisimulan ang kampanya sa 2019 SEA Games

MANILA,Philippines — Sisimulan ng Philippine national Under-22 at wo­men’s squad ang kanilang kampanya sa pagharap sa magkaibang karibal nga­yong araw sa 30th Southeast Asian Games football competitions sa Rizal Me­mo­rial Football Stadium sa Manila at Biñan Stadium sa Laguna.

Pamumunuan ni Azkals skipper Stephan Schrock ang PH Under-22  squad na sasabak kontra Cambo­dia sa alas-8 ng gabi sa Group A, habang masisila­yan din ang bakbakan ng Malaysia at Myanmar sa alas-4 ng hapon sa Rizal Me­morial.

“We will take it one match at a time. The first game is always very important and if they follow our ins­tructions and give their best, our boys can win,” sabi ni Serbian coach Goran Milosevic na makaka­sama sa coaching staff si as­sistant coach Ramadani Rezidrdan-Kiza.

Aariba naman ang Malditas laban sa powerhouse Myanmar sa alas-8 ng gabi sa Group A at magtutuos ang Vietnam at defen­ding champion Thailand sa alas-4 ng hapon sa Group B sa Biñan, Laguna.

“The quality that these coaches bring (to the team) is making a huge difference. Their dedication has been excellent and has im­pacted our players. They based their selection on ta­lent, skill and merit,” dagdag ni Stallion FC coach Ernie Nierras na bahagi rin ng coaching staff.

Masaya si Milosevic na mismong si midfield maestro Schrock ang nagbo­luntaryo para maging ba­ha­gi ng national team.

Pinapahintulutan ng SEA Games council na mag­pasok ng isang beteranong manlalaro sa bawat Under-22 team na kalahok sa biennial meet.

“He (Schrock) commands a lot of respect among our players so we are grateful he was willing to joins us as far back as three months ago. He is a like a coach on the pitch and can execute our ideas; he is one of the best players in Asia,” ani Milosevic.

Para kay national wo­men’s coach Marnelli Dimzon, nais ng Malditas na ma­­kabawi sa Myanmar na tumalo sa kanila sa AFF women’s football cham­pion­ships noong Agosto sa Chonburi, Thailand.