NU pep squad dale ang back-2-back
MANILA,Philippines — Nasungkit ng National University Pep Squad ang back-to-back title kahapon sa Season 82 UAAP Cheerdance Competition sa Mall of Asia Arena sa Pasay City.
Tangan ang tema na “Pinoy Pride” ipinakita ng NU ang husay sa pyramid, stunts at tumbling tungo sa pag-uwi sa kanilang ika-anim na korona sa nakalipas na pitong taon.
Sa kanilang panalo, tumanggap din ang NU ng tropeo at medalya bukod sa P50,000 cash prize mula sa UAAP at karagdagang P30,000 mula sa Yamaha at P30,000 mula sa Juicy.
Nakuha naman ng Far Eastern University Cheering Squad ang ikalawang puwesto sa kanilang presentasyon na hango sa thriller album ni Michael Jackson.
Bilang first runner-up binigyan din ang FEU ng P30,000 mula sa UAAP at P25,000 sa Yamaha at P20,000 mula sa Juicy.
Tumapos naman sa ikatlong puwesto ang Adamdon University Pep Squad sa kanilang presentasyon na hango sa Carribean dance.
Tumanggap ang Adamson ng P20,000 mula sa UAAP bukod sa P20,000 galing sa Yamaha at P15,000 mula sa Juicy.
Naging kumpleto rin ang dominasyon ng NU matapos magwagi sa Group Stunts habang tumapos ang FEU sa silver medal at bronze medal sa Adamson.
- Latest
