Bacoor tinuhog ang Caloocan
MANILA, Philippines — Nangailangan ng overtime period ang Bacoor Strikers bago maka-eskapo ng 95-94 panalo kontra sa Caloocan Supremos sa pagpapatuloy ng 2019 Maharlika Pilipinas Basketball League (MPBL) Lakandula Cup noong Biyernes ng gabi sa Caloocan City Sports Complex.
Kahit wala sina head coach Chris Gavina, team captain Oping Sumalinog at reigning MVP Gab Banal, hindi ito naging hadlang para sa Strikers upang palawakin ang winning streak sa lima at manatili sa solo top spot sa Southern Division sa 5-1 win-loss kartada.
Si coach Gavina ay kasama sa Rain or Shine bilang assistant coach na naglalaro sa PBA sa Cagayan de Oro City habang si Sumalinog ay dumalo sa kasalan at kabilang din si Banal sa Mighty Sports na naglalaro naman sa Jones Cup sa Taiwan.
Samantala, nilampaso ng Makati Super Crunch ang Bataan Risers, 76-69 para mapanatili ang malinis na kartada at makisama sa San Juan Knights sa sosyohan sa liderato sa Northern side sa parehong 4-0 slate.
Nagwagi rin ang Muntinlupa Cagers laban sa Soccsksargen Marlins, 58-55 para masungkit ang unang panalo sa limang laro (4-1).
- Latest
