Cignal-Ateneo, CEU unahan sa Game 3

MANILA, Philippines — Mag-uunahan ang Centro Escolar University at Cignal-Ateneo de Manila University na makalapit sa korona sa paglarga ng Game 3 ng 2019 PBA D-League best-of-five championship series ngayong hapon sa Ynares Sports Arena sa Pasig City.

Babasagin ng Scorpions at Blue Eagles ang 1-1 pagtatabla sa serye sa kanilang bakbakan sa alas-4.

Nakauna ang Cignal-Ateneo nang iselyo nito ang agresibong 101-66 panalo sa Game 1 noong nakaraang linggo subalit tumabla ang CEU bunsod ng 77-74 pananaig sa Game 2 noong Martes.

Igagawad ang Confe­rence MVP award bago magsimula ang laro.