Agustin, Tolentino at 18 pa hinirang na mos awardees sa class c ng PSL national series

MANILA, Philippines -  Kabuuang 20 tankers ang pinangalanang Most Outstanding Swimmers sa Class C ng 119th Philippine Swimming League (PSL) National Series na ginanap sa Rizal Memorial Swimming Pool sa Malate, Manila.

Nanguna sina Recz Edward Agustin ng Learning Garden Montessori School at Lezlie Anne Tolentino ng Mabalacat City Flying Bar­racudas sa listahan ng mga awardees matapos ma­mayagpag sa kani-ka­nilang mga dibisyon.

Nakalikom si Agustin ng kabuuang 39 puntos para masungkit ang unang puwesto sa boys’ 15-over category, habang umani naman si Tolentino ng 34 puntos patungo sa MOS trophy sa girls’ 15-over class.

Nagwagi rin ng MOS si­na Diliman Preparatory School standouts John Xa­vier Salinel (boys’ 9-year) at John Leo Paul Salibio (boys’ 13-year) gayundin si­na Mikhaela Bliss Dula ng Susan Papa Swim Acade­my (girls’ 8-year) at Claine Briana Lim ng San Sebas­tian College-Recoletos (girls’ 6-under).

Ang iba pang itinanghal na MOS winners ay sina Ethan Kyla Api­go (6-under), Jasper Be­nigla (7), Samuel Josiah Leal (8), Kyle Louis Cornel (10), Alex Marasigan (11), Rasheed Cortez (12) at Homer Lauigan (14) sa boys; at sina Alexandra Ma­rie Pedracio (7), Sabri­na Campana (9), Olive Gabrielle Suyu (10), Leah Ma­ri Buenaventura (11), Chellsie Maine Ramirez (12), Joeanne Kassandra Corpus (13) at Avrhille Delos Trinos (14) sa girls.

“Even it is difficult for us to hold monthly compe­tition for our newly found po­tential swimmers, we are keeping the program as our swimming community continue to multiply,” pahayag ni PSL Pre­sident Susan Papa sa kanilang programa. “Each month more coaches and swimmers coming in to the PSL, coaches and parents realized that we have better and efficient programs to offer. We are also open to all with free membership, meaning at no cost.”

Samantala, itinanghal na over­all champion ang Aqua­speed Sailfish na na­kalikom ng ka­­buuang 1,082 puntos.

Nagdikit naman sa ikalawang puwesto ang Killer Whales Swimming Team na may 1,012 puntos.

Pumangatlo ang Diliman Preparatory School na lumangoy ng 837 puntos kasunod ang Joey Anda­ya Seagulls Swimming Team (810), San Sebastian College-Recoletos Golden Stags (561), Renegades Swimming Team (535), Na­votas (470), Platypus Aquatic Swimming Team (384) at Mindoro Medallo­don Swimming Team (321).