CLEVELAND — Natapos na ang mahabang pagpapagaling ni Kyrie Irving sa kanyang injury.
Ito ang inihayag ng Cavaliers’ star point guard sa kanyang Twitter account kahapon.
“I’m back,” sabi ni Irving.
Gagawin ni Irving ang kanyang season debut laban sa Philadelphia 76ers ngayon matapos mabasagan ng left kneecap sa Game 1 ng nakaraang NBA Finals.
Higit sa anim na buwan makaraang matumba nang magpilit iwanan ang isang defender ng Golden State Warriors, muling isusuot ni Irving ang Cavaliers uniform.
Nagbago ang laro ng Cleveland mula nang mawala sa line-up ang 23-anyos na si Irving.
“This is kind of a new chapter,” ani Irving matapos ang kanilang team practice. “It’ll be a different experience, but just the amount of practice, the amount of time I put in, the amount of work that is coming to fruition and I’m just excited that it can happen now.”
Nauna nang inasahang magbabalik si Irving noong nakaraang linggo.
Sinimulan ng Cavaliers ang season sa 17-7 record.
“I’ve been ready to play, but biomechanically, we just wanted to make sure everything was good so I’m not putting myself at higher risk to go out there and get hurt again,” sabi ni Irving sa kanyang kondisyon.