National Age Group taekwondo tourney sisipa sa December 5-6
MANILA, Philippines – Halos 1,500 taekwondo practitioners ang inaasahang sasabak sa 2015 MERALCO/MVP National Age Group (free sparring) at PLDT Home ULTERA (poomsae) championships sa December 5-6 sa Ninoy Aquino Stadium.
Ayon kay Organizing Committee Chairman Sung Chon Hong, itatampok sa event ang pag-unlad ng taekwondo sa bansa kung saan nabibigyan ng pagkakataon ang mga batang atleta na maipakita ang kanilang talento.
“The participation of youngsters has enabled our organization (PTA) to support the country’s grassroots program,” wika ni Hong.
Ang mga entries sa free sparring competition ay ikakategorya sa Novice at Advance na may tatlong divisions sa ilalim ng Juniors, Cadet at Gradeschool (male and female).
Magsisimula ang mga kompetisyon sa ganap na alas-9 ng umaga.
- Latest
