Laro sa Miyerkules (The Arena, San Juan)
1 p.m. Navy vs PLDT Home Ultera (third)
3 p.m. Cignal vs Air Force (Game 2, Finals)
MANILA, Philippines – Inasahan ni Philippine Air Force coach Rhovyl Verayo ang kanyang six-man rotation para talunin ang Cignal HD TV, 25-15, 19-25, 25-19, 25-19 sa Game One ng Spikers’ Turf Season 1-Collegiate Conference Finals kahapon sa The Arena sa San Juan City.
Bumandera si Jeffry Malabanan para sa 1-0 abante ng Raiders sa kanilang best-of-three title showdown ng HD Spikers matapos humataw ng 17 points.
Tumulong naman sina Rodolfo Labrador, Reyson Fuentes, Ruben Inaudito at Edwin Tolentino kay Malabanan nang maglista ng pinagsamang 41 points.
Bukod kay setter at libero Raffy Mosuela, ginamit din ni Verayo sina Mike Abria at Pitrus de Ocampo.
Nasa Raiders ang pagkakataong kunin ang korona sa pamamagitan ng panalo sa HD Spikers sa Game Two sa Miyerkules.
Sakali namang makatabla ang Cignal sa Air Fore ay itatakda ang Game Three sa Disyembre 5.
Sa agawan sa third place trophy, kinuha ng PLDT Home Ultera ang 25-14, 25-22, 23-25, 25-19 panalo laban sa Navy sa kanilang series opener.
Humataw si Mark Gil Alfafara ng 20 hits, tampok ang 17 kills para sa 1-0 abante ng Ultra Fast Spikers sa kanilang serye.