STANDINGS W L
**FEU 10 1
*UST 9 3
*Ateneo 8 4
La Salle 5 6
NU 5 7
UE 4 7
UP 3 8
xxAdamson 2 10
**playoff twice-to-beat
*final four
xx-eliminated
Laro Ngayon
(Smart Araneta Coliseum)
2 p.m. UE vs Adamson
4 p.m. FEU vs UST
MANILA, Philippines – Maipaghiganti ang natatanging pagkatalo na nasa kanilang karta ang pilit na gagawin ng FEU Tamaraws sa pagharap uli sa UST Tigers sa 78th UAAP men’s basketball ngayon sa Smart Araneta Coliseum.
Ang laro ay magsisimula dakong alas-4 ng hapon at ika-sampung sunod na panalo at number one seeding ang mahahagip ng Tamaraws.
Huling natalo ang Tamaraws ay noong Setyembre 9 pa sa dikitang 71-72 iskor.
“Tinalo nila kami kaya hindi ito magiging madaling laro. Kailangang hindi mawala ang focus lalo na sa depensa,” wika ni FEU coach Nash Racela.
Ang Tigers ay kailangang manalo para makabangon agad mula sa 77-91 panghihiya na inabot sa kamay ng UE Red Warriors.
Sina Kevin Ferrer, Ed Daquioag at Karim Abdul ang mga magtutulong uli pero dapat na gumana ang bench ng Tigers para tapatan ang ipinakikita ng mga reserves ng FEU.
Kung matalo pa ang UST ay lalakas ang laban ng Ateneo Eagles para sa number two spot dahil maiiwan na lamang sila ng isang laro.
Palalakasin pa ng UE ang paghahabol ng upuan sa Final Four laban sa Adamson Falcons sa unang laro sa alas-2 ng hapon.
Nananalig si coach Derrick Pumaren na magpapatuloy ang magandang ipinakikita ng mga players para makatabla ang nagdedepensang kampeon National University Bulldogs (5-7) sa ikalimang puwesto.