Pacquiao balik training sa Nobyembre o Disyembre

MANILA, Philippines— Gumaganda na ang kalagayan ng kanang balikat ni Manny Pacquiao, kung saan inaasahang babalik na siya sa training sa susunod na buwan o sa Disyembre.

Sinabi ni Pacquiao na nasa 80-90 percent na ang kaniyang balikat na na-injure sa bakbakan nila ni Floyd Mayweather Jr. nitong Mayo.

Kahit hindi pa tiyak ang sagupaan nila ni Amir Khan sa Marso, unti-unti na ring magpapakondisyon si Pacquiao.

Hindi naman itinanggi ng eight-division champion na nais niyang magkaroon ng rematch kay Mayweather na nagpahayag na ng kaniyang pagreretiro.

"If you ask me, of course, I want a rematch. I heard that he retired already. If he really retired, then there's no rematch. But if not..."

Sa ngayon ay tinututukan ni Pacquiao ang kaniyang trabaho bilang kinatawan ng Saranggani, habang isinasaayos na rin niya ang kaniyang pagtakbo bilang senador sa 2016.