Argentinian slugger puwede kay Pacquiao

MANILA, Philippines - Hanggang wala pang pir­mahang nangyayari sa kanilang fight contract ay hindi pa rin magiging opis­yal ang bakbakan nina Man­ny Pacquiao at Briton star Amir Khan.

Kung hindi mapaplan­tsa ang naturang laban sa Pebrero ng susunod na ta­on ay may mga pangalan pang puwedeng pagpilian si Bob Arum ng Top Rank Pro­motions.

Isa sa maaaring laba­nan ni Pacquiao (57-6-2, 38 KOs) ay si Lucas Matthysse (36-3-0, 34 KOs) ng Argentina.

Sinabi ni Arum na kung ma­nanalo si Matthysse laban kay Victor Postol (27-0-0, 11 Kos) ng Ukraine sa Linggo para sa bakanteng WBC light welterweight title sa Linggo sa StubHub Center sa Carson, California ay posible niya itong ita­pat kay ‘Pacman’.

“He’s an exciting guy and he’s gotten a lot of ex­posure and he would assure everybody that it would be a very exci­ting match,” sabi ni Arum kay Matthysse na kilalang wa­lang inuurungan.

Sakaling maitatakda ang laban nina Pacquiao at Matthysse ay gagawin ito sa 144-pound catchweight.

“We would do it like at 144-pound catchweight. Manny’s not a true welterweight,” wika ni Arum.

Hangad din ni Matthy­s­se makala­ban ang mga kagaya ni Pac­quiao.

“My inspiration is to be a world champion, to fight the best fights. That’s ins­piration for me,” sabi ng Ar­gentinian boxer.

Inamin ni Arum na may negosasyon nang nangya­yari sa kanila ng kampo ni Khan (31-3-0, 18 KOs).

Subalit iginiit na hindi pa ito napapanalisa.

“There’s certainly have been discussions with him but I wouldn’t say he’s the frontrunner,” paglilinaw ng pa­mosong promoter.

Bukod kina Khan at Mat­thysse, ang iba pang nasa listahan ni Arum pa­ra sa susunod na laban ni Pacquiao ay sina Kell Brook (35-0-0, 24 KOs) at Terence Crawford (25-0-0, 17 KOs).

Noong Lunes ay sumailalim si Pacquiao sa isang MRI para sa inoperahan ni­yang kanang balikat.

Nangako si Pacquiao na kaagad niyang ipapadala ang naturang resulta ng MRI kina Arum at surgeon Neal ElAttrache ng Kerlan-Jobe Orthopaedic Clinic sa Los Angeles.

Ayon kay Arum, ka­i­la­ngan muna niyang makita ang MRI result ni Pacquiao bago ayusin ang susunod na laban ng Filipino boxing superstar.