Orcollo nagkampeon sa US Open 8-Ball
MANILA, Philippines – Nanumbalik ang husay ni Dennis Orcollo para tanghaling kampeon sa US Open 8-ball Championship sa Rio sa Las Vegas.
Makulay ang ginawang kampanya ng 36-anyos na gold medalist sa 9-ball sa Singapore SEA Games noong Hunyo nang makabangon sa pagkatalo kay Shane Van Boening, 2-9, sa unang laro upang maitala ang pangalawang panalo ngayong 2015.
Si Mike Dechaine na nanguna sa winner’s bracket ang nakaharap ni Orcollo sa race-to-11 finals at hindi nawala ang katatagan ng Filipino cue-artist nang kanyang isinatabi ang 0-4 agwat para angkinin ang 11-9 panalo.
Tinapos ng tubong Bislig, Surigao del Sur ang labanan sa pagpanalo sa huling apat na racks upang matabunan ang 7-9 iskor.
Halagang $11,000 ang premyong nakuha ni Orcollo para maiakyat din sa $42,404.00 ang kinita ngayong taon.
May $7,000 gantimpala si Dechaine. (AT)
- Latest
