MANILA, Philippines – Inihayag ng Metropolitan Chess Club na ang apat na serye ng Milo Checkmate Satudays-only clinics ay idaraos sa limang lugar sa Metro Manila.
Ang nasabing mga venues at oras ay ang mga sumusunod: San Sebastian College-Recoletos Manila grade school (8-11am); Starmall Edsa Shaw 2F event area sa Mandaluyong (10am-1pm); Alabang Town Center promenade area sa Muntinlupa (2:30-5:30pm); Maricaban Elem. School sa Pasay City (8am-3pm) at Kinderville Learning Center (KLC) sa Retiro (8:30am-5pm).
Ang mga kursong iniaalok ay para sa beginners, intermediate at advance players. Ang advance courses ay gaganapin sa sa isang venue lamang sa KLC.
Nakatakda ang iba pang weekend chess classes sa iba pang public schools--sa Pilar Village Elem. School at G. Gatchalian Elem. School sa Las Piñas; La Huerta Elem. School sa Parañaque; Sucat Elem. School sa Muntinlupa City; Panghulo Elem. School sa Malabon; Mandaluyong Elem. School sa Mandaluyong; at tatlong paaralan sa Manila-Lakandula Elem. School; P. Burgos Elem. School at Dr. Jose P. Rizal Elem. School.
Para sa detalye ang interesadong lumahok ay tumawag lang sa MCC at 0922-822-6319 and 0935-370-8808.