Huling laban na ni Mayweather sa Sept. 12

MANILA, Philippines – Muling lalaban si Floyd Mayweather Jr. sa Set­yembre 12 matapos talunin si Manny Pacquiao noong Mayo 2.

Sinabi kahapon ni Ste­phen Espinoza, ang exe­cutive vice president at ge­­neral manager ng Showtime Sports na may karapatang magpalabas ng mga laban ni Mayweather, na po­sibleng hindi na mangyari ang rematch ng American fighter kay Pacquiao.

Ayon kay Espinoza, ba­lak na ng 38-anyos na si Mayweather na tuluyan nang isabit ang kanyang boxing gloves.

“There is not a shred of truth in all of these reports about an extension being ne­gotiated. From every con­versation the two sides have had, Mayweather is sticking to his guns – for the moment – that September 12th will be his final pro-fight,” wika ng Showtime official.

Sa Setyembre ang hu­ling laban ng world five-division titlist na si Mayweather sa kanyang kontrata sa Showtime Sports.

Sa susunod na taon na­man muling babalik sa aksyon ang Filipino world eight-division champion na si Pacquiao matapos sumailalim sa surgery dahil sa kanyang right shoulder injury na nangyari sa ka­sagsagan ng kanilang upa­kan ni Mayweather.

Isa si welterweight contender Andre Berto sa naunang nabanggit ng kampo ni Mayweather, hangad na magretiro tangay ang per­pektong 49-0 record.

Umaasa si Espinoza na lalaban pa si Mayweather sa 2016 sa pagpirma ng ba­gong kontrata sa Showtime Sports.

“We have a great rela­tionship with Floyd. Our deal has been very suc­cess­ful for him and very suc­­ces­sful for us. We've done five fights and gene­rated nearly 10 million pay-per-view buys,” ani Es­pinoza.

Nauna nang sinabi ni Mayweather na magreretiro na siya matapos patulugin si Ricky Hatton noong 2007.

Matapos ang 21 buwan ay nagbalik si Mayweather at tinalo si Juan Manuel Mar­quez.