Donaire kontra kay Prado sa Marso 28

MANILA, Philippines - Sisimulan ni dating world featherweight champion Nonito ‘The Filipino Flash’ Donaire, Jr. ang kanyang pagbabalik sa super bantamweight division sa Marso 28.

Lalabanan ni Donaire si Brazilian fighter William Prado sa harap ng kanyang mga kababayan sa Mall of Asia Arena sa Pasay City.

“I’m excited to be back at 122 pounds,” sabi ni Do­naire, nakatikim ng six-round KO loss kay Jamaican Nicholas Walters para isuko ang suot na WBA fea­therweight title noong 2014 sa Macau.

Inamin ni Donaire na sad­yang hindi niya kaya ang mga laban sa feather­weight division kaya siya ba­balik sa super bantamweight class.

Sa naturang dibisyon ay hinawakan ni Donaire ang mga korona ng IBF at WBO.