Sa bakbakan sa Ronda Pilipinas 2015 qualifying leg Felipe kinuha ang stage 2; Cayubit inangkin ang overall

BACOLOD CITY, Philippines -- Pag­dating sa akyatan ng bundok ay walang tatalo kay Marcelo Felipe ng 7-Eleven cycling team.

 Gamit ang kanyang mountain-climbing skills, inangkin ng 25-anyos na si Felipe ang Stage Two sa Visayas qualifying leg ng Ronda Pilipinas 2015 na inihahandog ng LBC ka­hapon dito sa Negros Occidental capital.

Nanguna si Felipe sa tatlong KOM laps sa nasabing 156.6-kilometer stage para sa kanyang unang stage victory sa tiyempong 5 oras, 2 minuto at 12 segundo.

Tinalo niya ang kakam­ping si Boots Ryan Cayubit at ang 2014 Ronda champion na si Reimon Lapaza ng Butuan na nagrehistro ng mga oras na 5:04.25 at 5:08.08, ayon sa pagkaka­sunod.

“Masaya ako at nanalo ako ng stage sa unang pag­kakataon dito sa Ronda Pilipinas,” ani Felipe, pu­mangatlo sa Tarlac stage no­ong 2012.

Dahil sa kanyang pana­lo, umangat si Felipe sa se­cond overall mula sa pa­giging 18th placer sa Du­maguete-Sipalay Stage One sa kanyang total time na 9:33.00 o tatlong minuto ang kalamangan kay Cayubit, naging No. 1 mula sa No. 5 sa kanyang aggregate clocking na 9:29.50.

Inangkin naman ni Ca­yubit ang overall lead ma­tapos pumangalawa kay Felipe para makuha ang pu­lang LBC jersey para sa third at final stage.

“Hindi ko inaasahan na ma­ngunguna ako, pero ma­saya ako na nandito ako nga­yon,” sabi ni Cayubit, na­diskubre sa Ronda race no­ong 2011 nang kumakapanya pa para sa Warren Davadilla-led Metro Manila team.

Ginamit naman ni Lapaza, kuwalipikado nang sumabak sa championship round na nakatakda sa Peb­rero 22-27 pa­ra igiya ang kanyang na­kababatang ka­patid na si Cesar.