MANILA, Philippines – Umabante si Liza del Rosario sa top 24 sa kanyang pag-upo sa ikalawang puwesto matapos ang 20-game qualifying series sa Qubica AMF Bowling World Cup sa Sky Bowling Center sa Wroclaw, Poland.
Nagpagulong si Del Rosario, sumegunda noong 2001 sa Pattaya, Thailand, ng 4439 pinfalls para sa kanyang 45 pins na agwat sa nangungunang si Brittni Hamilton ng United States.
Nangailangan naman si Amandine Jacques ng France ng 170 pins sa kanyang huling laro para makasama sa susunod na round.
Ang top eight bowlers mula sa 24 na umabante ang maglalaro sa round robin stage ng torneo.
Si Daria Kovalova ng Ukraine ay nasa No. 8 spot sa kanyang 4314 sa itaas ni Martina Schutz (4303) ng Germany.
Nasa No. 13 naman si defending champion Caroline Lagrange ng Canada sa itinalang 4285, habang No. 17 si two-time champion Aumi Guerra ng Dominican Republic sa kanyang 4246.
Sa men’s division, nagpatuloy ang pangunguna ni Tobias Bording sa 20-game qualifying series.
Abante siya ng 170 pins kay Mykaylo Kalika ng Ukraine.