Talatayod, Gurria nagpakilala agad sa PCA Open
MANILA, Philippines - Nagtala ng magkaibang panalo sina second seed Aljon Talatayod at unseeded Stefano Gurria upang umusad sa ikalawang yugto ng boys’ 12-under sa 33rd Philippine Columbian Association (PCA) Open na inihandog ng Cebuana Lhuillier at Metro Global Holdings kahapon sa PCA indoor shell clay courts sa Paco, Manila.
Magaan na dinispatsa ni Talatayod si Jonel dela Peña sa impresibong 6-1, 6-1 panalo habang nangailangan si Gurria ng matinding puwersa sa second set bago itala ang 6-2, 7-5 upset win kontra kay eighth seed Jibril Ross Perpatua.
Sunod na makakaharap ni Talatayod si Elvin Joseph Geluz na tinalo si John Alexander Bayot, 6-0, 6-0, samantalang si Gurria ay makikipagtuos kay Lawrence Quitara na nagtala naman ng 6-0, 6-0 panalo laban kay Patrick Robin Pellos.
Pasok din sa susunod na yugto sina Alfred Doloroso, Sherwin Villacorte, Jose Rafael Cruz, Enrique Jugo at Czech Daruin Bacungan sa torneong suportado ng Cebuana Pera Padala, Micro Insurance, Phiten, Just Jewels, Cebuana Micro Insurance, Hon. Emmanuel “Manny” Pacquiao, Dunlop, Fujidenzo/Whirlpool, Babolat, Head, Accel, Malate Bayview Mansion, Coca-Cola Bottlers Phils. Inc., Philippine Prudential Life Insurance Company Inc., Seno Hardware at Standard Insurance.
Ginapi ni Doloroso si Quazvin Ziggy Aben, 6-1, 6-2; nanaig si Villacorte kay Philippie Coteron, 6-2, 6-3; namayani si Cruz kay Royce Lawrence Ramirez, 6-2, 6-2; at kapwa umusad sa second round sina Jugo at Bacungan matapos ang walk-over win kina Marcus Macalalag at Mico Castillo, ayon sa pagkakasunod.
Nakatakdang umarangkada ang seniors division sa Nobyembre 15 sa event na suportado rin ng United Auctioneers Inc. Foton, Philippine Sports Commission, TLH Sports & Wellness Center/Solinco, Avida Land Corporation, Stronghold Insurance, Ryobi MHI at GMA 7.
- Latest
