Pinoy triathletes masusukat
MANILA, Philippines - Masusukat nang husto ang mga triathletes na sasali sa Yellow Cab Challenge CamSur international triathlon sa Hunyo 14, 2015.
Ang race course na gagamitin sa CamSur ay isang fast course pero tatagaktak ang pawis ng mga lalahok dahil walang mga punong maaaring sandalan na magpapalamig sa panahon lalo na kung nasa bike at run na ang isang triathlete.
Si Camarines Sur Gov.Migz Villafuerte kasama si dating Gobernador LRay Villafurete ang nagsusog para sa kanilang lugar isagawa ang international event na ito lalo pa’t kilala ang CamSur sa galing sa pag-hosting ng mga events.
Inilunsad ito kamakailan at dumalo rito sina David Voth ng Leverage Sports Asia na siyang race organizer, Roy Quejada, CEO ng sponsor na Yellow Cab Pizza, pro triathlete at Challenge Ambassador Michael Murphy at lahat ay nasasabik sa magaganap na kompetisyon.
Noong nakaraang taon binuksan sa bansa ang Challenge Philippine Triathlon at ginawa ito sa Subic Bay Freeport at umabot sa 739 triathletes mula sa 38 bansa ang sumali.
- Latest
