Arellano pinitas ang ‘twice-to-beat’ incentive; Perpetual nakakuha ng playoff para sa No. 4

Laro Bukas

(The Arena, San Juan City)

12 n.n. Mapua vs St. Benilde (jrs/srs)

4 p.m. Jose Rizal vs San Sebastian (srs/jrs)

MANILA, Philippines - Nagtulong sa huli sina John Pinto at Ralph Sal­ce­do para angkinin ng Arellano ang mahalagang ‘twice-to-beat’ advantage sa Final Four ng 90th NCAA men’s basketball mula sa 78-76 panalo laban sa four-time defending champions na San Beda kahapon sa The Arena sa San Juan City.

Bumanat ng step-back jumper si Pinto para maitabla ang laro sa 76-76 sa huling 9.3 segundo bago pinangunahan ni Salcedo ang krusyal na depensa na kanya ring kinumpleto sa lay-up sa kabilang dulo tungo sa tagumpay.

Tinapik  ni Salcedo ang bo­la kay Ranbill Tongco at ito ay nakuha ni Keith Ago­vida.

Agad na ibinato ni Ago­vida ang bola kay Jiovani Jalalon na naispatan ang nasa unahang si Salcedo pa­ra sa winning lay-up.

Ang panalo ay pamba­wi ng tropa ni coach Jerry Codiñera sa 81-90 pagka­talo sa Red Lions sa una n­ilang pagkikita.

Higit dito, ang ika-13 pa­nalo sa 17 laro ay nagtiyak ng ‘twice-to-beat’ advan­tage at puwede pa nilang ha­wakan ang No. 1 see­ding kung maipapanalo ang huling laro laban sa Lyceum Pirates sa Oktubre 8.

Ito ang ikatlong sunod na pagkatalo ng San Beda para tapusin ang double-round elimination taglay ang 13-5 baraha.

Si Dioncee Holts ay may 19 points at 12 rebounds, habang sina Pinto at Agovida ay nagsanib sa pi­nagsamang 17 puntos.

Hinawakan ng Perpetual Help Altas ang playoff para sa huling upuan sa Final Four sa 92-76 tagumpay sa San Sebastian Stags sa unang laro.

May 29 puntos si Earl Scottie Thompson sa laro at 11 dito ay kinamada sa huling yugto para pasiglabin ang 36-16 palitan upang burahin ng Altas ang 56-60 iskor matapos ang ikatlong yugto.

Si Juneric Baloria ay may 24 markers.

Perpetual 92 — Thompson 29, Baloria 24, Arboleda 16, Alano 12, Dagangon 8, Gallardo 3, Oliveria 0, Dizon 0, Lu­cente 0, Jolangcob 0.

San Sebastian 76 — De­la Cruz 18, Fabian 18, Guinto 14, Perez 12, Yong 6, Balucanag 4, Calisaan 2, Costelo 2, Camasura 0, Alvarez 0, Pretta 0, Or­tuoste 0, Mercado 0.

Quarterscores: 22-21; 31-40; 56-60; 92-76.

Arellano 78 -- Holts 19, Agovida 17, Ciriacruz 12, Pinto 10, Jalalon 8, Gu­maru 4, Salcedo 2, Her­nandez 2, Bangga 2, Palma 2, Nicholls 0, Ca­peral 0, Enriquez 0.

San Beda 76 -- Adeogun 23, Amer 18, Dela Cruz 15, Sara 7, Tongco 4, A. Semerad 3, Mendo­za 2, Pascual 2, Sorela 2, Ko­ga 0, Mocon 0.

Quarterscores: 16-17; 39-32; 55-58; 78-76.