Pilipinas magpipilit makasikwat sa bowling China may 38 medalya agad

INCHEON, South Korea – Maagang umalagwa ang perrenial overall champion China sa medal race nang makasikwat agad ng ka­buuang 38 medalya sa ika­apat na araw ng kom­pe­tisyon sa 17th Asian Games dito.

Humakot ang mga Tsi­noy ng 6-6-4 sa men’s division at 9-5-8 sa women’s ca­tegory na naglagay sa ka­nila sa unang puwesto.

Mahigpit naman na bu­mu­buntot ang host South Ko­rea na may itinalang 7-7-5 sa men’s at 5-9-5 sa wo­men’s na sinundan ng Ja­pan na may 26 medalya mula sa men’s (5-2-7) at women’s (2-5-4).

Ang China, South Korea at Japan ang tanging tatlong bansa na nakapagtala ng dobleng pigura sa da­lawang linggong kompe­tisyon na tinampukan ng mga atleta mula sa 47 ban­­sa.

Bumabandera naman ang Vietnam sa mga bansa mula sa Southeast Asia sa kanilang pitong ginto at isang pilak kasunod ang Malaysia at Indonesia na kap­wa nakakuha ng tatlong ginto, habang may dalawang ginto ang Myanmar, ang isa galing sa women’s se­pak takraw, at Laos na may isang pilak.

Ang perennial SEA Games champion na Thailand ay wala pang nakakamit na medalya.

Samantala, sisimulan ni Biboy Rivera ang pag­de­depensa sa kanyang men’s title sa bowling event nga­­yong araw sa Anyang Hogye Gymnasium.

Kabuuang 10 gintong me­dalya ang nakataya sa bow­ling.

Bukod sa singles, ang iba pang events na paglalabanan ay sa doubles, trios, team of five at Masters.

Kaugnay nito, handa na si rookie Enrico Lorenzo Her­nandez na maglaro ma­tapos magkaroon ng diarrhea.

Ang iba pang miyembro ng men’s team ay sina Fre­derick Ong, Boshir Layoso, Asiad rookies Jo Mar Ju­ma­pao at Kenneth Chua, ha­bang ang ladies squad ay kinabibilangan nina ve­te­rans Liza del Rosario at Li­za Clutario.