Green Archers, Tamaraws pag-aagawan ang no. 2: Bulldogs nilapa ang Warriors para angkinin ang no. 4 seat

Laro Ngayon

(Mall of Asia Arena)

4 p.m. La Salle vs FEU

(playoff sa No. 2)

MANILA, Philippines - Pinigilan ng Bulldogs ang malakas na pagbabalik ng Red Warriors sa final can­to para sagpangin ang No. 4 berth sa Final Four.

Nagsalpak si import Al­fred Aroga ng dalawang krusyal na free throws sa huling 12 segundo para tu­lungan ang National Uni­ver­sity sa 51-49 paglusot sa University of the East sa kanilang playoff game sa 77th UAAP men’s basketball tournament kahapon sa Smart Araneta Colise­um.

Sa pag-angkin sa No. 4 ticket ay lalabanan ng NU ang No. 1 Ateneo De Ma­nila University sa Final Four sa Miyerkules.

Ang No. 1 at No. 2 teams ang hahawak ng ‘twice-to-beat’ advantage kontra sa No. 4 at No. 3 squads, ayon sa pagkakasunod, sa semifinal round.

Nakatakdang pag-agawan ng nagdedepensang De La Salle University at Far Eastern University ang No. 2 spot sa kanilang play­off game ngayong alas-4 ng hapon.

Matapos isalpak ng 6-foot-7 na si Aroga ang kan­yang dalawang free throws para sa 51-49 abante ng Bulldogs mula sa foul ni Sierra Leona im­port Charles Mammie ay tumawag ng timeout si coach Derrick Pumaren pa­ra sa Red Warriors.

Pinasahan ni playma­ker Roi Sumang si Bong Galanza ngunit naimintis nito ang kanyang tangkang three-point shot na tumapos sa kanilang five-game winning streak at pag-asa sa No. 4 seat.

Ito ang pangatlong sunod na season na nakapa­sok ang NU sa Final Four sa ilalim ni mentor Eric Al­tamirano.

“For Alfred to make those two free throws, that was big for us,” sabi ni Al­­tamirano kay Aroga.

Nauna nang binuksan ng Red Warriors ang laro mula sa 9-0 abante bago naagaw ng Bulldogs ang first period, 15-14 patungo sa pagpoposte ng isang nine-point lead, 40-31, sa 8:57 ng fourth quarter buhat sa dalawang charities ni guard Angelo Alolino.

Nagbida si Su­mang pa­ra ilapit ang UE sa 48-49 agwat sa huling 1:16 mi­­nuto ng laro hanggang mag­­salpak si Aroga ng da­­lawang free throws sa na­­titirang 12 segundo para sa panalo ng NU.

NU 51 – Khobuntin 12, Rosario 9, Alolino 7, Aroga 7, Javelona 6, Be­tayene 4, Alejandro 3, Perez 2, Diputado 1, Cel­da 0, Neypes 0.

UE 49 – Sumang 19, Ga­lanza 9, Mammie 8, Ja­vier 5, Varilla 5, Arafat 2, Guiang 1, Alberto 0, de Leon 0, Jumao-as 0, Ola­yon 0, Palma 0.

Quarterscores: 15-14; 26-21; 38-31; 51-49.