DEERFIELD, Illinois -- Maaaring nakita na ng Chicago Bulls ang magdaragdag sa kanilang opensa.
Nakuha ng Bulls ang draft rights kay Creighton forward Doug McDermott na magbibigay sa kanila ng pagkakataon para makakuha ng mas malaking pangalan.
Puwede nilang ipain si McDermott para kay Kevin Love o si Carmelo Anthony mula sa free agency.
Ang naturang mga hakbang ang maaaring magpalakas sa low-scoring team na nanalo ng 48 laro sa kabila ng pag-upo ni franchise player Derrick Rose dahil sa isa na namang season-ending knee injury. .
Hinugot ng Denver Nuggets si McDermott bilang No. 11 pick kasunod ang pagdadala sa forward sa Chicago kapalit ng 16th at 19th picks.