MANILA, Philippines - Inaprubahan kahapon ng Office of the Commissioner ang one-on-one trade sa pagitan ng Globalport at Barako Bull.
Dinala ng Batang Pier si guard RR Garcia, ang No. 6 overall pick noong 2013 PBA Draft, sa Energy Cola para mahugot si 6-foot-5 forward Keith Jensen, ang No. 8 overall pick ng Barangay Ginebra noong 2012.
Ang 5’9 na si Garcia ay naglista ng mga averages na 6.4 points, 1.7 rebounds at 1.6 assists per game para sa Globalport ni rookie coach Pido Jarencio.
Inaasahang makakatulong ni Garcia sa backcourt ng Barako Bull ni head coach Siot Tanquingcen si pointguard Jeric Fortuna kasama sina Willie Miller, Bonbon Custodio at Denok Miranda.
Ang 6’4 na si Jensen naman ang makakatuwang nina Jay Washington, Eric Menk at Yancy de Ocampo para sa frontcourt ng Globalport.
Si Jensen ay nagtala ng mga averages na 6.0 points, 1.9 rebounds at 1.0 assist per game para sa Energy Cola.