NEW YORK--Simula sa Hulyo 1 ay maaari nang maÂkipag-usap si Carmelo Anthony sa anumang koponan sa NBA.
Ito ay matapos ilagay ni Anthony ang kanyang sarili sa free agent market. Ilan sa mga interesado sa kanya ay ang Chicago, Houston, Dallas at Miami.
Sinabi na ni Anthony, isang two-time Olympic gold medalist na nanguna sa NBA sa scoring noong 2012-13, na ayaw niyang iwanan ang New York ngunit ang kanyang prayoridad ay ang lumipat sa isang koponang lalaban para sa NBA championship.
Nagkaroon si Anthony ng deadline noong Lunes para tapusin ang huling taon sa kanyang kontrata sa Knicks, ngunit nauna nang sinabi ng dating NBA leading scorer na balak niyang pumasok sa free agency matapos ang NBA season.
Sinabi ni team president Phil Jackson sa All-Star forÂward matapos ang season kung maaari nitong ipagpaliban ang kanyang desisyon at laruin ang kanyang huling taon sa kontrata na magbibigay sa kanya ng $23.3 milyon.
Ngunit buo na ang plano ni Anthony.
Inihayag niya ang kanyang desisyon kina Jackson, general manager Steve Mills at kay bagong coach Derek Fisher sa Los Angeles.