MANILA, Philippines - Umiskor sina Team Allied bets Bea Bernardo at Poi Tan ng 21-15, 21-18 panalo laban kina No. 4 Joella de Vera at Anne Tercias ng PBA-Smash Pilipinas para umabante sa quarterfinal round ng Open women’s doubles ng FDG Cup Open and Invitational badminton tournament sa Powersmash Badminton Center sa Makati.
Makakaharap ng Bernardo-Tan pair sa quarters sina Janel Dihiansan at Patrisha Malibiran ng Ateneo, tinalo sina sixth seed Patricia Barredo at Danica Bolos, 17-21, 21-14, 21-19, sa two-weekend ranking tournament na may basbas ng Philippine Badminton Association at inihahandog para kay Robinsons Land Corp. president Frederick D. Go.
Tinakasan naman nina top seed Chiang Pei Hsin ng Taiwan at Dia Magno ng Ateneo sina Bianca Carlos at Jana de Vera ng Ateneo, 16-21, 21-12, 21-14, para ayusin ang kanilang quarters duel nina No. 4 Alyssa Leonardo at Thea Pomar, sinibak sina Marina Caculitan at Maryann Maranon ng Team Allied, 18-21, 21-15, 21-10.
Dinomina nina third seed Amor Montilla at Kristelle Salatan ng PBA-Smash Pilipinas sina Trisha Alcasid at Mitzel Buiza, 21-16, 21-11, para makatapat sa squarters sina Descka Calimlim at Fatima Cruz, binigo sina Bernadeth Manalo at Karen Pansacala ng Double Play, 21-13, 21-9, sa event na suportado rin ng Smart Live More, Smash Pilipinas, PNRS at Partners Cup.