MANILA, Philippines - Ipagpatuloy ang pagtaas ng antas ng Philippine football ang balak gawin ng Azkals sa pagharap sa PaÂlestine sa 2014 AFC Challenge Cup Finals ngayong gabi sa National Football Stadium sa Maldives.
Ang laro ay itinakda sa alas-12 ng madaling araw sa Manila.
Ito ang unang pagkakaÂtaon na tumapak ang Pilipinas sa championship at nangyari ito dahil sa ibayong pagtutulungan ng mga manlalarong kinuha ng bagong pasok na German-American coach Thomas Dooley.
“The team is getting better and better. In terms of unity, the team has grown in the 10 days here,†ani DooÂley na pinalitan si Hans Michael Weiss noong Marso.
Si Weiss ang coach na naihatid ang Azkals sa paÂngatlong puwestong pagÂtatapos noong 2012 edisyon sa Nepal at ang tinalo ng koponan ay ang Palestine sa 4-3 iskor.
Tunay na humusay ang Azkals kay Weiss pero hindi maitatatwa na mas guÂmanda ang samahan ng koponan kay Dooley.
Patunay ito sa pagkakaÂroon ng limang manlaÂlaro na umiskor na para sa Pilipinas.
Nangunguna rito ang beteranong si Phil Younghusband at Patrick Reichelt na may tig-dalawang goals habang sina Chris Greatwich, Jerry Lucena at SiÂmone Rota ay may tig-isa.
Ang goal ni Greatwich na pamalit sa laro kontra sa host Maldives sa semifinals, ang siyang nagbigay ng 3-2 panalo sa extra time.
Handa naman ang PaÂlestine na ipaghiganti ang pagkatalo noong 2012 para masungkit din ang kauna-unahang Challenge Cup title sa kanilang bansa.
Bukod sa titulo, ang maÂnanalo sa larong ito ay aabante rin sa AFC Asian Cup na gagawin sa Australia mula Enero 9 hanggang 31, 2015.